Símatími

Mán - þri kl. 10-13

Á döfinni

Fullt út úr dyrum á borgarafundi HH í Háskólabíó

Fullt var út úr dyrum á borgarafundi Hagsmunasamtaka heimilanna í Háskólabíó í gærkvöld, þar sem um 1000 manns komu saman. Yfirskrift fundarins var "Verðtryggingin dregin fyrir dóm", og var þar kynnt málsókn gegn Íbúðánasjóði vegna verðtryggðs fasteignaláns sem samtökin standa að baki. Einnig var á fundinum fjallað um frumvarp til laga um neytendalán sem nú liggur fyrir Alþingi og HH hafa gert alvarlega athugasemdir við.

Frummælendur voru Þórður H. Sveinsson hdl. sem greindi frá málsókninni, Pétur H. Blöndal alþingismaður sem hélt erindi til varnar sparifjáreiginum, Guðmundur Ásgeirsson varaformaður HH fyrir hönd stjórnar og Steingrímur J. Sigfússon, atvinnuvega- og nýsköpunarráðherra sem meðal annars svaraði fyrir þá gagnrýni sem samtökin hafa sett fram á lagafrumvarp um neytendalán,

Egill Helgason, fjölmiðlamaður stjórnaði fundinum og að loknum erindum fengu fundargestir að beina spurningum til frummælenda og þátttakenda í pallborði, en þar sátu alþingismenn frá öllum stjórnmálaflokkum á þingi; Eygló Harðardóttir, Helgi Hjörvar, Margrét Tryggvadóttir, Guðmundur Steingrímsson og Jón Kr. Arnarson, ásamt þeim Gísla Tryggvasyni talsmanni neytenda og Vilhjálmi Birgissyni formanni Verkalýðsfélags Akraness. Líflegar umræður urðu á fundinum og margar góðar fyrirspurnir bárust úr sal.

Í lok fundar var samþykkt eftirfarandi ályktun:  "Almennur fundur í Háskólabíó 13. nóvember 2012 krefst þess að Alþingi tryggi tafarlaust afnám verðtryggingar á lánsfé og að gildandi lög um neytendavernd séu virt".

Opnun formanns HH

Glærur Péturs H Blöndal frá fundinum má sækja hér

 

Sigtúni 42
105 Reykjavík
ICELAND

(+354) 546 1501
heimilin@heimilin.is

Hvers vegna?

Tilgangur samtakanna er að veita fólkinu í landinu möguleika til að sameinast og að taka þátt í að verja hagsmuni heimilanna, og vera talsmaður og málsvari í umræðum um hagsmuni heimilanna.

Styrkir

Viltu styrkja samtökin?
Kennitala:
520209-2120
Reikningsnúmer:
1110-26-5202

Smelltu hér til að skrá þig í samtökin.