Símatími

Mán - þri kl. 10-13

Á döfinni

HH ætla ekki að una úrskurði sýslumanns

Á föstudag tilkynnti sýslumaður um úrskurð sinn varðandi lögbannsbeiðni Hagsmunasamtaka heimilanna (HH) og talsmanns neytenda (TN) þar sem farið er fram á að stöðvuð verði öll innheimta greiðsluseðla áður gengistryggðra lána.  Lögbannsbeiðnin beinist að Landsbankanum en myndi vera fordæmisgefandi fyrir aðrar lánastofnanir.



Í úrskurði sýslumanns er kröfu um lögbann hafnað á þeirri forsendu að ekki sé nægilega skýrt afmarkað til hvaða skuldabréfa lögbannsbeiðnin tekur, þ.e.  ekki sé nægilega skýrt við hvaða gengistryggðu lán sé átt.  Einnig telur sýslumaður að ekki hafi verið sýnt nægilega fram á að innheimta greiðsluseðla ólögmætra gengistryggðra lána hafi ótvíræðar afleiðingar fyrir neytendur.

Í úrskurðinum kemur hins vegar fram að Hagsmunasamtök heimilanna og talsmaður neytenda hafi  á grundvelli laga nr. 141/2001 (um lögbann og dómsmál til að vernda heildarhagsmuni neytenda) fullt umboð til þess að leggja fram lögbannsmál af þessu tagi hér á landi og gagnvart innlendum aðilum.
HH og TN munu ekki una þessum úrskurði og verður ný lögbannskrafa lögð fram á næstu dögum með afmarkaðri hætti og frekari rökstuðningi varðandi þau atriði sem sýslumanni þótt á vanta og byggði frávísun sína á.

Úrskurð sýslumanns í heild sinni má lesa hér.

Sigtúni 42
105 Reykjavík
ICELAND

(+354) 546 1501
heimilin@heimilin.is

Hvers vegna?

Tilgangur samtakanna er að veita fólkinu í landinu möguleika til að sameinast og að taka þátt í að verja hagsmuni heimilanna, og vera talsmaður og málsvari í umræðum um hagsmuni heimilanna.

Styrkir

Viltu styrkja samtökin?
Kennitala:
520209-2120
Reikningsnúmer:
1110-26-5202

Smelltu hér til að skrá þig í samtökin.