Hagsmunasamtök heimilanna ítreka gagnrýni sína á vaxtahækkanir Seðlabankans, sem algjörlega gagnslausa og úrelta aðferð við að draga úr verðbólgu. Löngu er orðið tímabært að Seðlabankinn hætti að beita handónýtum hagstjórnartækjum sem hafa einfaldlega þveröfug áhrif við það sem ætlað er. Undanfarnar tvær vaxtahækkanir Seðlabankans jafngilda 22,22% hækkun vaxtakostnaðar sem getur hæglega haft áhrif til hækkunar verðlags, ekki síður en launahækkanir.
Á döfinni
Hagsmunasamtök heimilanna vekja athygli þeirra sem misst hafa fasteignir á nauðungarsölu að kröfu Íbúðalánasjóðs og sem sótt hafa um Leiðréttingu verðtryggðra fasteignaveðlána, á nýlegri breytingu á reglugerð um meðferð krafna Íbúðalánasjóðs sem glatað hafa veðtryggingu, þar á meðal í þeim tilvikum sem kröfur sjóðsins hafa verið hærri en endurheimtur þeirra af söluandvirði fullnustueignar við nauðungarsölu. Með reglugerð nr. 359/2010 var stjórn Íbúðalánasjóðs heimilað að afskrifa slíkar kröfur að liðnum fimm árum frá sölu fasteignar. Í júní síðastliðnum stytti félags- og húsnæðismálaráðherra þann tíma hinsvegar niður í þrjú ár með nýrri reglugerð nr. 534/2015 á grundvelli 47. gr. laga um húsnæðismál, nr. 44/1998.
Hagsmunasamtök heimilanna fordæma harðlega vaxtahækkanir Seðlabankans sem algjörlega gagnslausa og úrelta aðferð við að draga úr verðbólgu. Það er löngu orðið tímabært að Seðlabankinn hætti að beita handónýtum hagstjórnartækjum sem hafa einfaldlega þveröfug áhrif við það sem ætlað er, enda augljóst að aukinn vaxtakostnaður fer út í verðlag ekki síður en launahækkanir.
Hagsmunasamtök heimilanna skora á Seðlabankann að gefa aðilum vinnumarkaðarins frið til þess að semja um eðlilegar kjarabætur og eyðileggja ekki það viðkvæma ferli með vaxtahækkunum og frekari hótunum um hækkanir sem kollvarpa forsendum kjaraviðræðna.
Það er algjörlega ólíðandi að Seðlabankinn haldi til streitu afneitun sinni gagnvart þeirri staðreynd að vaxtahækkanir hans valda í raun verðbólgu í stað þess að draga úr henni. Seðlabankinn ætti fremur að beita öðrum leiðum til þess að draga úr verðbólgu og þá sérstaklega með því að meina bönkunum að þenja út peningamagn í umferð eins og þeir hafa fengið að gera afskiptalaust hingað til.
Hagsmunasamtök heimilanna skora jafnframt á stjórnvöld og aðila vinnumarkaðsins að fordæma úreltar hagstjórnaraðgerðir Seðlabankans og þrýsta á um að hann breyti þeim og taki framvegis mið af þeim raunveruleika sem við búum við hér á landi.
Hagsmunasamtök heimilanna héldu árlegan aðalfund sinn fimmtudagskvöldið 21. maí.
Á fundinum var aðalstjórn samtakanna endurkjörin en hana skipa: Guðrún Harðardóttir, Jón Helgi Óskarsson, Páll Böðvar Valgeirsson, Pálmey Gísladóttir, Róbert Bender, Vilhjálmur Bjarnason og Þórarinn Einarsson. Varamenn voru kjörnir: Guðrún Indriðadóttir, Sigurður Bjarnason, Jóhann Rúnar Sigurðsson, Sigrún Jóna Sigurðardóttir, Kolbrún Karlsdóttir, Þorsteinn Sch. Thorsteinsson og Kristján Þorsteinsson.
Aðalfundur Hagsmunasamtaka heimilanna samþykkti einnig svohljóðandi ályktun:
“Aðalfundur Hagsmunasamtaka heimilanna haldinn þann 21. maí 2015 mótmælir harðlega vaxandi völdum og yfirgangi fjármálaafla í íslensku þjóðfélagi sem leiðir af sér skuldaþrældóm, eignaleysi og landflótta.
Fundurinn krefst þess einnig að gildandi lög um neytendavernd í lánastarfsemi verði virt af dómstólum og endir verði bundinn á það vaxta - og verðtryggingarokur sem hefur valdið íslenskum almenningi ómældu tjóni í marga áratugi.”
Hagsmunasamtök heimilanna minna á aðalfund 2015 sem haldinn verður í sal Stýrimannaskólans við Háteigsveg, í kvöld kl. 20:00. Jafnframt er hér birt ársskýrsla samtakanna fyrir starfsárið sem er að ljúka ásamt ársreikningi 2014.
Eftirfarandi tilkynningar hafa borist um framboð til stjórnar Hagsmunasamtaka heimilanna fyrir aðalfund 2015, sem haldinn verður í sal Stýrimannaskólans við Háteigsveg næstkomandi fimmtudagskvöld 21. maí kl. 20:00.
Framboð til aðalstjórnar:
- Guðrún Harðardóttir
- Jón Helgi Óskarsson
- Páll Böðvar Valgeirsson
- Pálmey Gísladóttir
- Róbert Bender
- Vilhjálmur Bjarnason
- Þórarinn Einarsson
Framboð til varastjórnar:
Hæstiréttur Íslands kvað þann 13. maí síðastliðinn upp dóm í máli 160/2015 þar sem tekist var á um fjárnám á grundvelli verðtryggðs fasteignaláns. Þá um kvöldið var svo fullyrt í umfjöllun fjölmiðla, þar á meðal RÚV, að með dómnum hefði verðtryggingin staðist áhlaup af hendi Hagsmunasamtaka heimilanna. Daginn eftir var nánast fullyrt, og aftur af hálfu RÚV, að málið væri fordæmisgefandi fyrir ōll ōnnur dómsmál gegn verðtryggingunni. Eftir að hafa kynnt okkur dóminn telja Hagsmunasamtök heimilanna hinsvegar að fullyrðingar í þá átt séu ótímabærar, og þvert á móti sé mörgum spurningum enn ósvarað. Rétt er að taka fram að Hagsmunasamtök heimilanna hafa enga aðkomu að því máli sem dæmt var um, heldur mun mál sem félagsmenn í samtökunum eiga aðild að líklega verða flutt fyrir Hæstarétti með haustinu.
Hagsmunasamtök heimilanna hafa kært stjórnendur allra banka og sparisjóða til lögreglu fyrir peningafölsun.
Tilefni kærunnar er nýútkomin skýrsla um peningakerfið sem Frosti Sigurjónsson alþingismaður gerði fyrir Forsætisráðuneytið. Í skýrslunni er staðfest með afar skýrum hætti að bankar og sparisjóðir búa í raun til peninga þegar þau veita lán í formi nýrra innstæðna sem svo leggjast við það peningamagn sem þegar er í umferð, en þessi peningasköpun er klárlega í andstöðu við þann einkarétt sem Seðlabanki Íslands hefur einn til þess að búa til peninga eða annan jafngildan gjaldmiðil. Það er því óhjákvæmilegt annað en að líta svo á að en að peningasköpun banka og sparisjóða sé peningafölsun í skilningi 150. grein hegningarlaga.
Hagsmunasamtök heimilanna fagna jafnframt útgáfu skýrslu Frosta Sigurjónssonar um fjármálakerfið sem sýnir fram á þann skaða sem bankarnir hafa valdið heimilum og íslenskum efnahag almennt. Enn fremur hvetja Hagsmunasamtök heimilanna sem flesta til þess að kynna sér efni skýrslunnar og styðja við þær umbætur á fjármálakerfinu sem þar er að finna. Brýnt er að gera úrbætur á kerfinu svo það geti farið að þjóna hagsmunum almennings.
Félagsmenn vinsamlegast athugið.
Aðalfundur Hagsmunasamtaka heimilanna verður haldinn fimmtudagskvöldið 21. maí 2015 kl. 20:00 í sal Stýrimannaskólans við Háteigsveg. Félagsmenn eru hvattir til að mæta á fundinn.
Dagskrá:
- Skipun fundarstjóra, ritara, og fundarsetning
- Skýrsla stjórnar: Vilhjálmur Bjarnason, formaður
- Reikningar samtakanna: Guðrún Harðardóttir, gjaldkeri
- Tillaga stjórnar um óbreytt félagsgjöld
- Tillaga um breytingu á samþykktum
- Kosning 7 aðalmanna í stjórn
- Kosning 3-7 varamanna í stjórn
- Kosning skoðunarmanna
- Önnur mál
Framboð til stjórnar má tilkynna með tölvupósti á netfang samtakanna
Undir dagskrárlið nr. 5 mun verða fjallað um eftirfarandi tillögu um breytingu á samþykktum HH:
"Á eftir 2. mgr. 6. gr. komi ný mgr. svohljóðandi: Framboð til stjórnar skal berast eigi síðar en 7 dögum fyrir aðalfund. Hafi ekki borist nægur fjöldi framboða er stjórn heimilt að óska eftir framboðum á aðalfundi."
Frá stjórn Hagsmunasamtaka heimilanna
Hagsmunasamtök heimilanna vilja vekja athygli á að máli vegna kvörtunar sem samtökin beindu til Neytendastofu, hefur verið vísað frá áfrýjunarnefnd neytendamála. Frávísunin byggist á því mati að Hagsmunasamtök heimilanna hafi ekki lögvarða hagsmuni af aðild að slíku máli. Þar með hefur HH verið gert erfitt fyrir að verja hagsmuni þeirra sem til samtakanna leita. HH hafa ítrekað reynt að koma kvörtunum og málum er varða neytendavernd á framfæri til úrlausnar, en oftar en ekki hefur slíkum málum verið vísað frá hlutaðeigandi stofnunum og dómstólum.
Dómsmáli sem Hagsmunasamtök heimilanna reka fyrir hjón sem eru félagsmenn í HH hefur verið áfrýjað til Hæstaréttar Íslands. Málið var upphaflega höfðað árið 2012 gegn Íbúðalánasjóði og er tilgangurinn með því að láta reyna á lögmæti kynningar verðtryggðra neytendalána. Þess er krafist í málinu að skilmálar láns hjónanna um verðtryggingu verði dæmdir óskuldbindandi þar sem þeim var ekki kynntur heildarlántökukostnaður lánsins við lántökuna líkt og lög gerðu ráð fyrir.
Hagsmunasamtök heimilanna vara neytendur við þeim gylliboðum sem fram hafa komið í nýlegum auglýsingum fjármálafyrirtækja þar sem boðið er upp á endurfjármögnun lána. Neytendum er bent á að skoða öll slík tilboð með fyrirvara um hvort þau séu þeim raunverulega til hagsbóta.
Hvers vegna?
Tilgangur samtakanna er að veita fólkinu í landinu möguleika til að sameinast og að taka þátt í að verja hagsmuni heimilanna, og vera talsmaður og málsvari í umræðum um hagsmuni heimilanna.
Flýtileiðir
Styrkir
Viltu styrkja samtökin?
Kennitala:
520209-2120
Reikningsnúmer:
1110-26-5202
Smelltu hér til að skrá þig í samtökin.