Símatími

Mán - þri kl. 10-13

Á döfinni

Aðgerðir og aðgerðaleysi gagnvart verðbólgu

Aðgerðir og aðgerðaleysi gagnvart verðbólgu

Umsögn til Alþingis

Hagsmunasamtaka heimilanna hafa sent frá sér umsögn við frumvarp ríkisstjórnarinnar um mótvægisaðgerðir í verðbólgu. Með frumvarpinu leggur ríkisstjórnin til að bætur almannatrygginga hækki um 3% og húsnæðisbætur um 10%, auk þess að greiddur verði sérstakur barnabótaauki að fjárhæð 20.000 kr. með hverju barni til þeirra sem fá tekjutengdar barnabætur. Frumvarpið verður lagt fram í mánuðinum og með samþykki þingsins taka þessar hækkanir gildi 1. júní. 

Fulltrúar samtakanna voru kölluð til samráðs á fjarfundi efnahags- og viðskiptanefndar Alþingis, með fulltrúum Öryrkjabandalagsins og Leigjendasamtökunum.  

Hagsmunasamtök heimilanna eru fylgjandi þessum mótvægisaðgerðum en vöktu sérstaka athygli á því í umsögn sinni og á fundi efnahags- og viðskiptanefndar að engar aðgerðir hafa verið kynntar af hálfu ríkisstjórnarinnar sem gagnast útivinnandi fólki í eigin húsnæði.

Fólki sem greiðir af húsnæðislánum og þá ekki síst lágtekjufólki sem getur illa varið sig fyrir hækkandi greiðslubyrði fasteignalána. Oftar en ekki er það bundið klafa verðtryggra lána. 

Hér má finna umsögn samtakanna á vef Alþingis og frumvarp ríkisstjórnarinnar:

Umsögn Hagsmunasamtaka heimilanna um 678. mál á 152. löggjafarþingi

Í þessu samhengi, vilja samtökin minna á síendurtekin svikin loforð um afnám verðtryggingar á húsnæðis skuldbindingum heimilanna. Víða er verðbólga há í dag, en hvergi á Vesturlöndum nema á Íslandi er verðtrygging á fasteignalánum eða öðrum lánum heimilanna. Lán með svipaða eiginleika hafa víðast hvar verið bönnuð vegna neytendaverndarsjónarmiða, enda fátt annað en fátækrargildra. Íslensk heimili eiga rétt á heilbrigðu og sanngjörnu lánaumhverfi og húsnæðis skuldbindingum án verðtryggingar. Húsnæðismál eru mannréttindamál og ekkert réttlætir langvarandi og viðvarandi fjárhagslegt óöryggi landsmanna í húsnæðis skuldbindingum, hvort sem um er að ræða í krepputíð eða á hagvaxtarskeiði. 

Ljóst er að íslensku bankarnir myndu með góðu móti þola þá tekjuskerðingu sem myndi fylgja afnámi verðtryggingar á lánum heimilanna. Þá þarf ekki að fóðra meir!

Hagsmunasamtök heimilanna

 

Sigtúni 42
105 Reykjavík
ICELAND

(+354) 546 1501
heimilin@heimilin.is

Hvers vegna?

Tilgangur samtakanna er að veita fólkinu í landinu möguleika til að sameinast og að taka þátt í að verja hagsmuni heimilanna, og vera talsmaður og málsvari í umræðum um hagsmuni heimilanna.

Styrkir

Viltu styrkja samtökin?
Kennitala:
520209-2120
Reikningsnúmer:
1110-26-5202

Smelltu hér til að skrá þig í samtökin.