Símatími

Mán - þri kl. 10-13

Á döfinni

Aðalfundur 2023

Aðalfundur 2023

Fundarboð aðalfundar

Hagsmunasamtök heimilanna boða hér með til aðalfundar, fimmtudagskvöldið 23. febrúar 2023 kl. 20:00, í hátíðarsal Hjálpræðishersins á Íslandi að Suðurlandsbraut 72, 108 Reykjavík.

Dagskrá:

  1. Skipun fundarstjóra, ritara, og fundarsetning
  2. Skýrsla stjórnar: Ásthildur Lóa Þórsdóttir, formaður
  3. Reikningar samtakanna: Sigríður Örlygsdóttir, gjaldkeri
  4. Tillaga stjórnar um ákvörðun félagsgjalda
  5. Tillögur um breytingar á samþykktum
  6. Kosning stjórnarmanna
  7. Kosning varamanna
  8. Kosning skoðunarmanna
  9. Önnur mál

Eftirfarandi tillaga um breytingu á samþykktum verður lögð fyrir fundinn:

4. mgr. 14. gr. orðast svo:

“Verði samtökunum slitið, skal eignum þeirra ráðstafað til almannaheillafélags eða -félaga sem starfa að neytendamálum eða til stuðnings við fólk í fjárhagserfiðleikum. Með almannaheillafélögum er átt við lögaðila sem uppfylla skilyrði skráningar á almannaheillaskrá samkvæmt lögum um tekjuskatt eða almannaheillafélagaskrá samkvæmt lögum um félög til almannaheilla.”

Núverandi ákvæði er svohljóðandi:

“Verði samtökin lögð niður, skal eignum þeirra ráðstafað til líknarstarfa.”

Samkvæmt ábendingu frá Skattinum er þetta of almennt orðað og er því nauðsynlegt að kveða með nákvæmari hætti á um ráðstöfun eigna við slit, til að uppfylla skilyrði skráningar á Almannaheillaskrá.

Framboðsfrestur til stjórnarkjörs er 7 dögum fyrir aðalfund eða til 16. febrúar kl. 20:00.

Framboð má tilkynna með tölvupósti á netfang samtakanna: This email address is being protected from spambots. You need JavaScript enabled to view it.. Einnig er óskað eftir tilnefningum skoðunarmanna og sjálfboðaliðum í talningu atkvæða á fundinum. Fundargögn verða birt á heimasíðu samtakanna www.heimilin.is í aðdraganda aðalfundarins. 

Bestu kveðjur,

Hagsmunasamtök heimilanna

Sigtúni 42
105 Reykjavík
ICELAND

(+354) 546 1501
heimilin@heimilin.is

Hvers vegna?

Tilgangur samtakanna er að veita fólkinu í landinu möguleika til að sameinast og að taka þátt í að verja hagsmuni heimilanna, og vera talsmaður og málsvari í umræðum um hagsmuni heimilanna.

Styrkir

Viltu styrkja samtökin?
Kennitala:
520209-2120
Reikningsnúmer:
1110-26-5202

Smelltu hér til að skrá þig í samtökin.