Mælirinn í götunni sýndi nú umtalsvert meiri vatnsnotkun en inntaksmælirinn og hitaveitan fór fram á að eigandi hússins greiddi samkvæmt götumæli. Hann fengi náðasamlegast að greiða það á tuttugu og fimm árum ellegar væri farið í uppoð á húsinu. Samkvæmt veitusamningi þyrfti hitaveitan aðeins að senda greiðsluáskorun og málið þyrfti ekki að fara fyrir dómara.

Mikið deilumál hlaust af þessu máli og tóku sumir til varna fyrir Hitaveituna hf. Þeir sögðu meðal annars að Jobbi lifði hátt, hitaði t.d. upp hjá sér bílskúrinn. Það sem hann hefði hingað til sparað á að kaupa ekki olíu hefði líka orðið til þess að hann gat keypt sér "flottan bíl". Jobbi væri sekur um bruðl og ætti því ekkert betra skilið en að missa húsið. Enn aðrir sögðu að Hitaveitan hf skuldaði mikið og þessa peninga þyrfti til greiða þær skuldir.

Stjórnvöld koma nú að málinu og vildi miðla málum. Þau leggja til að Jobbi greiddi upphæð sem nemur því sem hann greiddi áður fyrir hitavatnsnotkun plús aðeins aukalega sem næmi helming af lekanum skipt niður á mánuði í 25 ár. Restina mætti greiða með jöfnum afborgunum aftan við "lánstímann", þ.e. í stað þess að greiða tapið á 25 árum gæti hann greitt það á 75 árum ef tekið væri tillit til vaxta. Einnig væri dregið úr vatnsnotkun hússins og meðal hiti innanúss lækkaður niður í 16°C og alveg lokað fyrir upphitun bílskúrs. Þessu var gefið sérstakt nafn þ.e. "Hitajöfnun" og sett í gang sérstök stofnun til að hjálpa ógæfufólki eins og Jobba til að nýta sér og skilja lausnina.

Sett voru ýmis skilyrði fyrir hitajöfnuninni þannig að sumir höfðu ekki kost á henni. Þeir gætu hugsanlega farið í "Hitaaðlögun". Það er sérstök meðferð þar sem fólk aðlagast kulda og lærir að lifa góðu lífi við frostmark.

Kveðja,

Ólafur Garðarsson
Sími / Phone (+354) 555-1693