„Efnahagsáætlun Íslands og Alþjóðagjaldeyrissjóðsins hefur skilað miklum árangri við að koma á stöðugleika í íslenskum þjóðarbúskap og stuðla að efnahagsbata,“ segir Már Guðmundsson seðlabankastjóri og bætir við: „Hér kunna að vera athyglisverðir lærdómar fyrir alþjóðasamfélagið.“

Hvað finnst þeim sem eru með stökkbreytt lán á heimilum sínum um þann lærdóm sem alþjóðasamfélagið getur lært af þessu samstarfi aðilanna, eigum við að láta alþjóðasamfélagið vita með því að mæta fyrir utan og segja þeim hvað okkur finnst?

„Við hlökkum til að ræða opinskátt um hið „algera fárviðri“ sem skall á Íslandi árið 2008, um núverandi stöðu og þá lærdóma sem draga má af reynslu Íslendinga. Það gleður mig að geta sagt að gagnvirk samvinna við Alþjóðagjaldeyrissjóðinn stuðlaði að því að Ísland hélt velli sem norrænt velferðarríki,“ segir Árni Páll Árnason, efnhags- og viðskiptaráðherra.

Það er frábært að Árni Páll er tilbúinn að ræða við félaga sína um hvað vel hafi til tekist. Ert þú sammála um að vel hafi til tekist? Ef ekki þá er tækifærið að láta alþjóðasamfélagið vita.

Eigum við að ræða opinskátt við alþjóðasamfélagið um reynslu venjulegra heimila með stökkbreytt lán og kynna verðtrygginguna á heimilslánum fyrir þeim?

Nú er tækifærið, andmælum hvítþvættinum saman þann 27 október fyrir framan Hörpuna.

Í tilefni dagsins er rétt að vísa til greinar á pressunni í dag "Nýtt íslenskt bankahrun"

Ráðstefnan byrjar kl. 8 og stendur yfir allan daginn til kl. 17.15 - við eigum von á að fólk andmæli allan daginn.