"Sæll Jón Ragnar.

Við höfum verðir að fá tilkynningar um grunsamlegar
mannaferðir í ásunum þ.e. Heiðarási, Grundarási, Klapparási
og fleiri götum þar sem um er að ræða gangandi menn á
aldrinum 20 til 30 ára.  Í einhverjum tilvikum hafa þeir
verið að taka ljósmyndir af húsum og í öðrum hafa þeir
vakið athygli árvökulla íbúa og þótt grunsamlegir.  Styggð
hefur komið að mönnum í einhverjum tilvikum þegar þeir
veittu því athygli að íbúar voru að fylgjast með þeim.

 

Mennirnir eru sagðir  fótgangandi og oft með bakpoka.  Þeir eru sagðir
vera  útlendingar sem tala bjagaða íslensku.  Samskonar tilkynningar hafa
borist um mannaferðir í Grafarvogi og í einu tilviki var aðili sem
lýsingin á við kominn inn í hús þar sem húsráðandi var heimavið.  Sá bar
því við að hann hefði farið húsavillt.

Ertu til í að senda þennan póst á götustjóra nágrannavörslunnar og biðja
menn að vera á varðbergi gagnvart grunsamlegum mannaferðum á þínu svæði.
Það hefur sýnt sig að nágrannavarslan í Árbæjarhverfi er mjög vel virk og
vakandi og það er ánægjulegt fyrir okkur að geta starfað með slíku fólki.
Ég er viss um að með samstilltu átaki lögreglunnar og íbúa náum við
árangri í að fækka innbrotum.

Ef þið hafið einhverjar spurningar hafið þá endilega samband.

Bestu kveðjur og góða helgi"

Árni Þór Sigmundsson
aðstoðaryfirlögregluþjónn
Lögreglustöð 4.
Árbæjar- Selás- Grafarvogs- Grafarholts- og Grundarhverfi.
Mosfellsbær og Kjósarsýsla
Sími 444 1812