Á döfinni

Kristján Möller fyrrum ráðherra samgöngumála hefur nefnt í viðtölum að finna þurfi nýjar leiðir til gjaldtöku fyrir vegagerð þar sem rafbílum fari að fjölga á næstu árum. Þarf ríkið ekki að koma með áætlun um rafvæðingu bílaflota landsmanna um leið og áætlanir af þessu tagi eru settar út? Rafvæðing bílaflotans tekur einhver ár og er spurning hvort ekki sé áhugi fyrir að skoða framleiðslu á rafbílum hérlendis. Hugsanlega má nýta eitthvað af öllu því áli sem hér er framleitt. Að svo stöddu hafa Hagsmunasamtök heimilanna ekki fjallað formlega um málið og vísa á heimasíðu FÍB fyrir þá sem vilja kynna sér málið og taka undir kröfur FÍB.

Nú þegar hafa safnast mörg þúsund undirskriftir og því ljóst að mikil andstaða er við áform stjórnvalda. Stjórn Hagsmunasamtaka heimilanna hefur áhyggjur af auknum álögum á heimili landsmanna svo ekki sé minnst á áhrifin á verðtryggð lán. Hér er enn eitt dæmið um fáránleika verðtryggingar þar sem hugsanlegt er að þessar auknu álögur hafi áhrif til hækkunar vísitölu neysluverðs. Með miklum hækkunum á eldsneytisverði undanfari ár hafa landsmenn dregið úr notkun bifreiða nú þegar. Spurningin er hvort sú notkun sé komin niður í nauðþurftanotkun eða hvort svigrúm sé fyrir enn meiri samdrátt á þessu sviði. Við vitum um nokkra sem mundu kætast mjög við slíkar fréttir en þau heimili sem hafa minnstar tekjur myndu líða mest fyrir breytingar af þessu tagi. Þau verða nánast njörvuð niður innan eða utan borgarmakanna með skattheimtu.

Erfitt ár er nú að baki. Því miður er útlitið ekki bjart fyrir þorra íslenskra heimila á komandi ári. Hagsmunasamtök heimilanna hafa sterklega varað við þeirri leið eignaupptöku sem ríkisstjórn ásamt fjármálastofnunum eru að feta. Því miður hefur ekki verið hlustað á varnaðarorð samtakanna hvað þá tillögur um betri og sanngjarnari leið. Menn og fjölmiðlar sem hafa oft verið taldir málsmetandi hafa gengið svo langt að uppnefna samtökin og gera þeim upp ásetning sem enginn fótur er fyrir. Málefnalegri umræðu var gefið langt nef satt best að segja, ráðist var á æru einstaklinga og frasar og fyrirsagnir komu í stað alvöru fréttaskýringa.